ທ່ານມີປັນຫາເລື່ອງການຫວ່າງງານບໍ?

ວຽກເຮັດງານທໍາທີ່ດີແມ່ນຄວາມຕ້ອງການພື້ນຖານຂອງມະນຸດເຮົາ ບາງ​ຄົນ​ຕ້ອງການ​ວຽກ​ເຮັດ​ງານ​ທຳ​ເພື່ອ​ບັນລຸ​ຄວາມ​ຝັນ​ຂອງ​ຕົນ ​ແລະ ບາງ​ຄົນກໍ​ຕ້ອງການ​ວຽກ​ເຮັດ​ງານ​ທຳ​ເພື່ອ​ຕອບ​ສະໜອງ​ຄວາມ​ຕ້ອງການ​ຂອງ​ຄອບຄົວ ແຕ່​ເມື່ອ​ເຮົາ​ບໍ່​ໄດ້​ວຽກ​ເຮັດ ພວກເຮົາອາດຈະເລີ່ມມີຄວາມ​ອຸກ​ໃຈ​ ຄິດນັ້ນຄິດນີ້ກາຍເປັນຄົນຄິດຫຼາຍ ພວກເຮົາອາຈະເລີ່ມເປັນຄົນຫງຸດຫງິດໄວ ແຕ່ຂ້ອຍຂໍບອກເຈົ້າວ່າບໍ່ວ່າສະຖານະການຂອງພວກເຮົາຈະເປັນແນວໃດ ພວກເຮົາຈະພົບເຫັນຄວາມສະບາຍໃຈ ແລະ ຄວາມພໍໃຈໃນພຣະຄໍາຂອງພຣະເຈົ້າ ພຣະຄໍາພີໄບເບີ້ນ.

ທ່ານບໍ່ສາມາດເຮັດຫຍັງມັນໄດ້

ເມື່ອຂ້ອຍຈົບປະລິນຍາໂທໃນສອງສາມປີກ່ອນ ຂ້ອຍຮູ້ສຶກວ່າວຽກທີ່ດີກໍາລັງລໍຖ້າຂ້ອຍຢູ່ແຕ່ຂ້ອຍພັດພົບວ່າຊີວິດໃນຮູບແບບປະຕິບັດແຕກຕ່າງກັນຫຼາຍຈາກສີ່ງທີ່ເຄີຍໄດ້ຮຽນມາ ຂ້ອຍບໍ່ສາມາດຊອກຫາວຽກທີ່ຂ້ອຍຕ້ອງການເຮັດໄດ້ ແຕ່ຂ້ອຍຈໍາເປັນຕ້ອງລ້ຽງດູຄອບຄົວຂອງຂ້ອຍ ໄລຍະ 3 ປີຂອງການຫວ່າງງານນີ້ໄດ້ເຮັດໃຫ້ຂ້ອຍເສຍໃຈຫຼາຍ ແລະ ຫຼັງຈາກນັ້ນຂ້ອຍກໍ່ເລີ່ມຫາເຮັດວຽກເລັກໆນ້ອຍໆໄປ ຂ້ອຍ​​ໄດ້ລອງໄປ​ຝຶກ​ງານຮອດ 3 ບ່ອນເພື່ອທີ່​ຂ້ອຍຈະມີວຽກເຮັດ​ງານທໍາ​ທີ່​ດີ ຂ້ອຍຮູ້ສຶກທໍ້ເມື່ອຂ້ອຍຕ້ອງມາເຈີເລື່ອງແບບນີ້ ແຕ່ເມື່ອຂ້ອຍໄປອະທິຖານແລະອ່ານພຣະຄໍາຂອງພຣະເຈົ້າ ສັນຕິສຸກທີ່ແປກປະຫຼາດກໍໄດ້ເຂົ້າມາຫາຂ້ອຍ ຂ້ອຍຖາມພຣະເຈົ້າຕະຫຼອດແຕ່ບໍ່ເຄີຍຈົ່ມ, ແຕ່ມາມື້ຫນຶ່ງຂ້ອຍໄດ້ໄປຫຼີ້ນກັບຄອບຄົວໝູ່ ແລະ ຂ້ອຍຖືກຖາມວ່າກໍາລັງເຮັດຫຍັງຢູ່ຊ່ວງນີ້, ຂ້ອຍບອກວ່າຂ້ອຍກໍາລັງຝຶກວຽກ ແລະ ພວກເຂົາກໍພາກັນຊຸບຊິບກັນເວົ້າໃຫ້ຂ້ອຍວ່າ "ມັນອາດຈະເຮັດໄດ້ແຕ່ຝຶກງານຕະຫຼອດທັງຊີວິດຂອງມັນຫັ້ນລະ” ພວກເຂາໄວ້ເວົ້າເຍາະເຍີ້ຍຂ້ອຍ ແລະ  ມື້ນັ້ນເປັນມື້ທີ່ເຮັດໃຫ້ຂ້ອຍເຈັບປວດຫຼາຍ ແຕ່ຂ້ອຍກໍບໍ່ສາມາດລະບາຍໃຫ້ຄົນໃນເຮືອນຂອງຂ້ອຍຟັງໄດ້ ເພາະວ່າຂ້ອຍຮູ້ສຶກອັບອາຍຫຼາຍ ມື້ນັ້ນຂ້ອຍຈົ່ມກັບພຣະເຈົ້າວ່າເປັນຫຍັງ? ເປັນຫຍັງເລື່ອງນີ້ເກີດຂຶ້ນກັບຂ້ອຍ? ຂ້ອຍ​ໄດ້​ຮ້ອງ​ໄຫ້​ຕໍ່​​​ພຣະ​ເຈົ້າ ແລະ ​ຫຼັງຈາກນັ້ນບໍ່ດົນ​ ເດືອນໜື່ງ​ກໍໄດ້ຜ່ານ​ໄປ ແລະ ​ຂ້ອຍກໍຍັງ​ຢູ່​ໃນສະພາບເກົ່າບໍ່ມີຫຍັງປ່ຽນແປງ ແຕ່​ມີມາມື້​ໜຶ່ງ​ຂ້ອຍ​ໄດ້​ມີ​ໂອ​ກາດ​ເຂົ້າ​ຮ່ວມ​ກອງ​ປະ​ຊຸມ​ສຳ​ມະ​ນາ​ກ່ຽວ​ກັບ​ຫົວ​ໃຈ​ຂອງ​ພຣະ​ບິ​ດາ ແລະ ​ໃນ​ທີ່​ນັ້ນ ພຣະ​ເຈົ້າ​ໄດ້​ກ່າວ​ກັບ​ຂ້ອຍ​ຜ່ານ​ຊາຍ​ຄົນ​ໜຶ່ງ​ທີ່​ເວົ້າ​ວ່າ:
“ຢ່າ​ຢ້ານເລີຍ ຈົ່ງຊື່ສັດຕໍ່ເຮົາ," ເຮົາຈະ​ຍົກ​ເຈົ້າ​ຂຶ້ນ ເມື່ອ​ເຖິງ​ເວລາ​ອັນ​ຄວນ," "ຈົ່ງເຊື່ອງໃນເຮົາ“ ນໍ້າ​ຕາ​ຂອງ​ຂ້ອຍ​ກໍ​ໄຫຼໃນ​ທັນທີ​ທີ່​ຂ້ອຍ​ໄດ້​ຍິນ​ຖ້ອຍຄຳ​ເຫຼົ່າ​ນີ້
ແລະ​ ຫຼັງ​ຈາກ​ມື້​ນັ້ນ ຂ້ອຍ​ບໍ່​ເຄີຍ​ຄິດກັງວົນ​ເລື່ອງຫຍັງ​ເລີຍ ເພາະພຣະ​ຄຳພີ​ໄບເບິນ​ຖືກຂຽນ​ໄວ້ວ່າ:

(ມັດທາຍ 6:27-28) ມີ​ຜູ້ໃດ​ແດ່​ໃນ​ພວກເຈົ້າ​ທີ່​ກະວົນ​ກະວາຍ ແລ້ວ​ຕໍ່​ອາຍຸ​ໃຫ້​ມີ​ຊີວິດ​ຍືນຍາວ​ໄດ້​ອີກ​ຈັກ​ໜ້ອຍໜຶ່ງ?”“ເປັນ​ດ້ວຍເຫດໃດ ຈຶ່ງ​ກະວົນ​ກະວາຍ​ເຖິງ​ເລື່ອງ​ເຄື່ອງນຸ່ງຫົ່ມ? ຈົ່ງ​ເບິ່ງ​ດອກໄມ້​ປ່າ​ນັ້ນ​ແມ ມັນ​ໃຫຍ່​ຂຶ້ນ​ມາ​ໄດ້​ຢ່າງ​ໃດ ມັນ​ບໍ່ໄດ້​ເຮັດ​ວຽກ ບໍ່ໄດ້​ຕໍ່າ​ຜ້າ​ເຮັດ​ເຄື່ອງ​ນຸ່ງ​ສຳລັບ​ມັນ​ເອງ.

ອະນາຄົດຂອງເຈົ້າຢູ່ໃນມືຂອງພຣະເຈົ້າ

ເຮົາ​ຜູ້​ດຽວ​ເທົ່ານັ້ນ​ທີ່​ຮູ້​ແຜນການ​ຂອງເຮົາ​ສຳລັບ​ພວກເຈົ້າ,’ ພຣະເຈົ້າຢາເວ​ກ່າວ​ວ່າ, ‘ຄື​ແຜນການ​ທີ່​ນຳ​ຄວາມຈະເລີນ​ຮຸ່ງເຮືອງ​ມາ​ສູ່​ພວກເຈົ້າ ແລະ​ບໍ່ແມ່ນ​ນຳ​ຄວາມ​ຈິບຫາຍ​ມາ​ສູ່​ພວກເຈົ້າ ແຕ່​ເປັນ​ແຜນການ​ທີ່​ນຳ​ຄວາມຫວັງ​ມາ​ສູ່​ອະນາຄົດ​ຂອງ​ພວກເຈົ້າ. ແລ້ວ​ພວກເຈົ້າ​ກໍ​ຈະ​ເອີ້ນ​ຫາ​ເຮົາ. ເມື່ອ​ພວກເຈົ້າ​ມາ​ຫາ​ເຮົາ​ແລະ​ພາວັນນາ​ອະທິຖານ​ຫາ​ເຮົາ ເຮົາ​ກໍ​ຈະ​ຕອບ​ຄຳພາວັນນາ​ອະທິຖານ​ຂອງ​ພວກເຈົ້າ. ຖ້າ​ພວກເຈົ້າ​ຊອກ​ຫາ​ເຮົາ​ຢ່າງ​ໝົດຈິດ​ໝົດໃຈ ພວກເຈົ້າ​ກໍ​ຈະ​ພົບ​ເຮົາ

ອະທິຖານ,

ພຣະເຈົ້າ, ຂ້ານ້ອຍຂອບຄຸນພຣະອົງທີ່ພຣະອົງເບິ່ງ
ແຍງຂ້ານ້ອຍທີ່ຜ່ານມາ ແລະ ໄດ້ສະຫນອງຄວາມຕ້ອງການທັງຫມົດຂອງຂ້ານ້ອຍໃນອະດິດ ປະຈຸບັນ ແລະ ອະນາຄົດ
ພຣະ​ຄຸນ​ທີ່​ຂ້າ​ນ້ອຍ​ມີຕໍ່​ຄວາມ​ເຊື່ອ​ທີ່​ເຂັ້ມ​ແຂງ ​ແລະ ​ບໍ່​ເຄີຍ​ຫາຍໄປ​.
ຂໍໃນພຣະນາມຂອງພຣະເຢຊູຄຣິດເຈົ້າ. ອາແມນ.